DÜNYA FUTBOLU

“Çelsi” futbol üzrə İngiltərə çempionatının 14-cü turu çərçivəsində səfərdə “Uotford”u məğlub edib. 
"CEMPİON.AZ" xəbər verir ki, ötən gün "Vakiric Roud"da keçirilən görüş qonaqların 2-1 hesablı qələbəsi ilə yekunlaşıb. Qolları Meyson Maunt (29-cu dəqiqə) və Hakim Ziyeç (72) vurub. Meydan sahiblərindən Emmanuel Dennis 43-cü dəqiqədə qola imza atıb.
Azarkeşlərdən biri tribunada təcili tibbi yardım tələb etdiyindən matç 14-cü dəqiqədə yarımçıq kəsilib. Azarkeşin ürəyi dayanıb və həkimlər onun həyatını xilas ediblər. Hazırda azarkeşin vəziyyəti stabilləşib. "Çelsi"nin 33 xalı var və Premyer Liqa (Premyer Liqa) cədvəlinə başçılıq edir. “Uotford” 17-ci pillədə qərarlaşıb (13 xal).