BİZİM FUTBOL

Azərbaycan Velosiped İdmanı Federasiyasının prezidenti Mədət Quliyevin əmri ilə şose velosipedi üzrə yığma komandaya yeni baş məşqçi təyin edilib. 
"CEMPİON.AZ" xəbər verir ki, bu barədə AVİF-in mətbuat xidmətindən məlumat verilib. Belə ki, sözügedən post milli Əməkdar məşqçi Asif Həsənova həvalə edilib. Bunadək “Neftçi İdman Klubu” İctimai Birliyinin velosiped bölməsinin məşqçisi olan mütəxəssisi məşqçilər korpusuna AzVİF-in baş katibi Fərhad Əliyev təqdim edib və federasiya prezidentinin məşqçilər korpusu qarşısında qoyduğu əsas hədəfləri onların diqqətinə çatdırıb. Göstərilən yüksək etimada görə federasiya rəhbərliyinə təşəkkürünü bildirən Asif Həsənov qarşıya qoyulan məqsədlərə çatmaq üçün məşqçilər korpusu ilə birgə bütün qüvvə və bacarığını səfərbər edəcəyini deyib.
Qeyd edək ki, Həsənov Əbülfəz Məmmədovun vəfatından sonra boş qalan postu tutub.