DÜNYA FUTBOLU

"Mançester Yunayted" futbol klubu İngiltərə çempionatının 14-cü turunda Londonun "Arsenal" klubunu 3:2 hesabı ilə məğlub edib. 
"CEMPİON.AZ" xəbər verir ki, görüş Mançesterdə, “Old Trafford” stadionunda baş tutub. Qırmızı şeytanların qələbəsi Bruno Fernandes (44-cü dəqiqə) və Kriştiano Ronaldo (52, 71 - penalti) ayağına yazılıb. Məğlub komandanın toplarını isə Emil Smit-Rou (13) və Martin Edeqor (54) vurub. Smit-Rou topu qapıdan keçirməmişdən əvvəl meydan sahiblərinin yarımmüdafiəçisi Fred zədələnərək meydançaya yıxılan komandasının qapıçısı David De Xeanın ayağını əzib. Bu zədə onun rəqibin zərbəsinin qarşısını almasına mane olub.  Əvvəlcə baş hakim qonaqların oyunçuları tərəfindən qayda pozuntusunu qeydə aldığı üçün qolu ləğv edib, sonra isə video köməkçinin vasitəsilə ilə top hesaba alınıb.
Ronaldonun matçdakı ilk qolu onun karyerasında 800-cü qolu olub. Fernandes "Mançester Yunayted"in heyətində 100-cü oyununu keçirib.
"Mançester Yunayted" 29 aprel 2018-ci ildə Mançester tərəfinin 2:1 hesabı ilə qalib gəldiyi vaxtdan bəri ilk dəfə liqada "Arsenal"ı məğlub edib.
İngiltərə liqasının turnir cədvəlində “Mançester Yunayted” 21 xalla yeddinci, “Arsenal” isə 23 xalla beşinci pilləyə yüksəlib. Növbəti mərhələdə “Mançester Yunayted” dekabrın 5-də “Kristal Pelas”ı, bir gün sonra isə “Arsenal” isə “Everton”u qəbul edəcək.
Qeyd edək ki, noyabrın 21-də norveçli baş məşqçi Ole Qunnar Sulşerin “Mançester Yunayted”i tərk etdi və bu vəzifəyə Maykl Karrik keçdi. Bazar ertəsi alman mütəxəssis Ralf Ranqnikin mövsümün qalan hissəsi üçün "Mançester Yunayted"in baş məşqçisi olacağı açıqlanıb. Əvvəllər o, Moskvanın "Lokomotiv" futbol klubunun İdman və İnkişaf şöbəsinin rəhbəri vəzifəsində çalışıb. "Arsenal"la qarşılaşmada mankunianlılara Karrik başçılıq edib.