DÜNYA FUTBOLU

İngiltərənin "Mançester Yunayted" klubunun portuqaliyalı hücumçusu Kriştiano Ronaldo Maykl Karrikin rəhbərliyi altında oynamaqdan qürur duyduğunu bildirib.
"CEMPİON.AZ" xəbər verir ki, bu barədə hücumçu öz instaqram hesabında paylaşım edib:
"Maykl Karrik əla oyunçu idi və əla məşqçi ola bilər. Bu şəxs üçün mümkünsüz heç nə yoxdur. Şəxsən mən onunla meydanda oynadığım və bizi ehtiyat oyunçular skamyasında idarə etdiyi üçün fəxr edirəm. Amma indi cənabı yola salmaq vaxtıdır. Ralf Ranqnik komandaya rəhbərlik edəcək... Gəlin başlayaq!"
Qeyd edək ki, Karrik noyabrın 21-də Ole Qunnar Sulşerin gedişindən sonra müvəqqəti olaraq "Mançester Yunayted"in baş məşqçi vəzifəsini icra edib. Onun rəhbərliyi altında İngiltərə Premyer Liqasında Londonun “Çelsi”si ilə 1:1 bərabərə qalıb, “Arsenal”ı 3:2 hesabı ilə məğlub edib. Çempionlar Liqasının qrup mərhələsində İspaniyada isə “Vilyarreal”ı məğlub edib.
"Mançester Yunayted"in keçmiş futbolçusu komandanın baş məşqçisi vəzifəsini müvəqqəti tərk edib. 2022-ci ilin yayına kimi klubu alman Ralf Ranqnik çalışdıracaq.