BİZİM FUTBOL

“Qarabağ”ın Konfrans Liqasındakı növbəti rəqibi bəlli olub.
"CEMPİON.AZ" xəbər verir ki, qitənin üçüncü dərəcəli klub turnirində mübarizəni davam etdirən Azərbaycanın vitse-çempionu pley-offda “Marsel”lə (Fransa) qarşılaşacaq. Qrup mərhələsində ikinci olan “Qarabağ”ın Avropa Liqasından üçüncü yer sahibi olan rəqibi ilə ilk matçı səfərdə keçirəcək. Bu görüş gələn il fevralın 17-də baş tutacaq. 17-də Marsel şəhərində baş tutacaq qarşılaşma Bakı vaxtı ilə saat 00:00-da start götürəcək. Bir həftə sonra keçiriləcək cavab görüşü Bakıda təşkil olunacaq. Bakıda keçiriləcək qarşılaşma isə Tofiq Bəhramov adına Respublika stadionunda saat 21:45-ə keçiriləcək. 
Qeyd edək ki, pley-offun qalibləri 1/8 finala yüksələcək. Qrup qaliblərinin birbaşa yüksəldiyi bu mərhələnin püşkü fevralın 25-də atılacaq.