ŞAHMAT

Fabiano Karuana “Vugar Gashimov Memorial-2021” super turnirinin qalibi olub.
"CEMPİON.AZ" "gashimovchess" rəsmi instaqram səhifəsinə istinadən xəbər verir ki, memorialın yekun nəticələrinə əsasən Fabiano Caruana və Richard Rapport eyni xala malik olduqları üçün Armageddon keçirilib. Gərgin keçən mübarizənin sonunda R.Rapportu məğlub edən F. Karuana “Vugar Gashimov Memorial-2021”-in qalibi olub. 
Turniri həmyerlimiz Şəhriyar Məmmədyarov 3-cü, Vüqar Əsədli 7-ci yerdə başa vurub. 

Qeyd edək ki, Vüqar Həşimov memorialı ilk dəfə 2014-cü ildə Şəmkirdə keçirilib. Hazırkı dünya çempionu Maqnus Karlsen dörd (2014, 2015, 2018, 2019), Azərbaycan şahmatçısı Şəhriyar Məmmədyarov isə iki (2016, 2017) dəfə turnirin qalibi olublar.