DÜNYA FUTBOLU

Moskvanın “Lokomotiv” klubunun hücumçusu Fedor Smolov Şimali Amerika Böyük Futbol Liqasının (MLS) klublarından bir neçə təklif alıb. 
"CEMPİON.AZ" xəbər verir ki, bunu Şimali Amerika futbol liqaları ilə əməkdaşlıq edən “Gold Star” agentliyinə rəhbərlik edən Den Milşteyn “Sport-Express” qəzetinə müsahibəsində bildirib:
"Smolovun MLS-dən bir sıra konkret təklifləri var. Amma o, Rusiyadan da təkliflər alıb. Fedor indi məzuniyyətdədir, qayıdandan sonra müzakirə edib qərar verəcək".
Qeyd edək ki, Smolovun 31 yaşı var, bu mövsüm forvard 15 matçda Tinkoff - Rusiya Premyer Liqası (RPL) matçında 7 qola imza atıb. 18 görüşdən 28 xal toplayan "Lokomotiv" RPL-də 5-ci pillədə qərarlaşıb.