DÜNYA FUTBOLU

Kriştianu Ronaldu İngiltərənin "Mançester Yunayted" klubundan ayrıla bilər.
"CEMPİON.AZ" xəbər verir ki, "Mirror"da bu barədə məlumat yayılıb. Xəbərdə deyilir ki, 36 yaşlı hücumçu "qırmızı şeytanlar"ın baş məşqçi seçimindən razı qalmasa, mövsümün sonunda ayrılacaq. Forvard almaniyalı mütəxəssis Ralf Ranqnikin postunda qalmasının əleyhinədir və o, bunu açıq şəkildə bəyan edib. 

Qeyd edək ki, "Mançester Yunayted" noyabrda Ranqniki baş məşqçi təyin edib. Sözləşməyə əsasən, o, mövsümün sonunadək komandaya rəhbərlik edəcək. Ronaldu cari mövsüm Premyer Liqada 16 oyun keçirib, 8 qol və 3 məhsuldar ötürmə ilə yadda qalıb. Təcrübəli futbolçu Çempionlar Liqasının qrup mərhələsində çıxdığı 5 qarşılaşmada 6 qolla yadda qalıb.