DÜNYA FUTBOLU

Portuqaliyalı futbolçu Kriştiano Ronaldonun “Mançester Yunayted”dən "Barcelona" klubuna keçmək istəyilə bağlı agentinə təlimat verdiyi deyilir.
"CEMPİON.AZ" xəbər verir ki, bu barədə İspaniyanın “ Sport” portalı məlumat yayıb. Mənbənin sözlərinə görə, futbolçu “Mançester Yunayted”in yeni baş məşqçisi Ralf Ranqnikin hərəkətindən narazıdır. Ronaldo komandanın hazırkı vəziyyətini qeyri-sabit hesab edir. 37 yaşlı hücumçunun agenti Jorge Mendes yaxın vaxtlarda digər klublarla, xüsusən də “Barselona” ilə danışıqlara başlaya bilər, çünki agentin klubla yaxın münasibətləri var. “Barselona”nın baş məşqçisi Xavinin hücumçu axtarışında olduğu da məlum olub.
Ronaldo 2021-ci ilin yayında “Mançester Yunayted”ə qayıdıb, 2022/23 mövsümünün qalan hissəsi üçün müqavilə imzalayıb. Bundan əvvəl futbolçu artıq İngiltərə klubunda - 2003-2009-cu illərdə çıxış edib. Bu mövsüm 36 yaşlı Ronaldo komandasında 21 matça çıxıb, 14 qol vurub, 3 məhsuldar ötürmə verib. İspaniyada o, doqquz il “Real Madrid”də oynayıb, onunla dörd dəfə Çempionlar Liqasının qalibi olub və iki dəfə İspaniya çempionu olub.
Qeyd edək ki, "Mançester Yunayted" İngiltərə çempionatında 7-cidir, keçirdiyi 19 oyundan sonra klubu 31 xal toplayıb.