13.01.2022 11:57
444
444
Bildirişlərə abunə ol
Bildirişlərdən çıxın
Hakim Janni Sikazve iki dəfə vaxtından əvvəl Afrika Millətlər Kubokunun qrup mərhələsinin Tunis və Mali futbol matçını başa vurmaq üçün final fitini çalıb.
"CEMPİON.AZ" xəbər verir ki, Limbedə (Kamerun) Mali millisi F qrupunda Tunis komandasına 1:0 hesabı ilə qalib gəlib. 85-ci dəqiqədə Sikazve görüşün bitdiyini açıqlayıb. Saatına baxaraq qərarını dəyişib və oyun davam edib. Bundan sonra hakim 89-cu dəqiqədə yenidən final fitini çalıb. Fitdən sonra Tunis millisinin futbolçuları və məşqçilər korpusu Sikazve və hakimlər briqadasına hücum edib. Təhlükəsizliyi təmin etmək üçün təhlükəsizlik qüvvələri müdaxilə etməli olub.
Komandalar alt tribuna otağına yollandı. Daha sonra Afrika Futbol Konfederasiyası (CAF) milli komandalardan görüşü başa vurmağı xahiş etsə də, Tunis millisinin futbolçuları meydana daxil olmaqdan imtina ediblər. Tunis Futbol Federasiyası öz "Twitter" səhifəsində nəticənin ləğv edilməsini və görüşün təkrar keçirilməsini tələb edib.
Oyun zamanı iki penalti təyin edilib, bir oyunçu meydandan qovulub, iki dəfə Hakimlərə Video Yardımdan (VAR) istifadə olunub və doqquz əvəzetmə olub.
