Qış transfer pəncərəsində heyətinə gücləndirməkdə olan “Aston Villa” yeni qapıçı almağa qərar verib. 
"CEMPİON.AZ" xəbər verir ki, İngiltərə klubu Robin Olsenin xidmətində maraqlıdır. Premyer Liqa təmsilçisi İsveç yığmasının qapıçısını heyətinə qatmaq niyyətindədir. Birminhemlilər 32 yaşlı isveçlinin özü ilə müqaviləni razılaşdırıb. “Aston Villa” keçidi rəsmiləşdirmək üçün Olsenin çıxış etdiyi “Şeffild Yunayted”lə danışıqlar aparır. Sonuncular “Roma”dan icarəyə götürdüyü qapıçı ilə vidalaşmağa razılaşsa, Robin karyerasını “Aston Villa”da davam etdirəcək. Birminhemlilər onu mövsümün sonunadək “Roma”dan icarəyə götürəcək. 
Qeyd edək ki, Olsen cari mövsümün 11 matçında 17 top buraxıb.