Eyni liqada 300 və daha çox qol vuranların siyahısı açıqlanıb.
"CEMPİON.AZ" xəbər verir ki, İFFHS-in tərtib etdiyi cədvələ yeni ad daxil edilib. Bundesliqadakı qol sayını 300-ə çatdıran Robert Levandovski də bu siyahıya qoşulub. 2010-cu ildən Almaniya çempionatında çıxış edən polşalı hücumçu 369 matçda bu qədər qol vurub. O, futbol tarixinə eyni liqada 300 və daha çox qol vuran 40-cı futbolçu kimi düşüb.
Mütləq rekord Lionel Messiyə məxsusdur. Argentinalı İspaniya La Liqasında 474 qola imza atıb. Braziliyalı Pele vətənində vurduğu 468 topla ikincidir. Üçüncü olan Yozef Biscan Çexoslovakiya çempionatında 447 dəfə fərqlənib.
Kriştiano Ronaldo isə həmin cədvəldə 31-cidir.