DÜNYA FUTBOLU

"Barselona"nın futbolçusu Samuel Umtiti sağ ayağındakı beşinci metatars sümükünü sındırdıqdan sonra uğurla əməliyyat olunub.
"CEMPİON.AZ" xəbər verir ki, bu barədə İspaniya klubunun "Twitter" səhifəsi məlumat yayıb. Umtiti məşqdə zədələnib. 28 yaşlı müdafiəçinin təxminən 3 aya yaxın yaşıl meydanlardan uzaq qalacağı deyilir. 
Qeyd edək ki, Umtiti 2016-cı ildən "Barselona"da çıxış edir. O, bu mövsüm bir oyun keçirib. Umtiti "Barselona" ilə müqaviləni 2026-cı ilə qədər uzadaraq yeni müqavilə imzalamışdı. Fransız futbolçu son müqavilənin qalan il yarımı üçün maaşın ala biləcəyi hissəsini azaltmağa razılaşıb.