DİGƏR NÖVLƏR

Portuqaliyanın Odivelas şəhərində cüdo üzrə Qran-Pri turniri keçiriləcək.
"CEMPİON.AZ" xəbər verir ki, bu barədə Beynəlxalq Cüdo Federasiyasının (IJF) rəsmi saytı məlumat yayıb. Məlumatına görə, yanvarın 28-dən 30-dək təşkil olunacaq turnirdə Azərbaycanın 14 cüdoçusunun iştirakı planlaşdırılıb. 
Yarışda Balabəy Ağayev, Rövşən Əliyev (60 kq), Yaşar Nəcəfov (66 kq), Nəriman Mirzəyev, Zaməddin Poladov (hər ikisi 73 kq), Elcan Hacıyev, Zelim Tçkayev (81 kq), Rüfət İsmayılov (90 kq), Adil Kərimli (100 kq), İmran Yusifov, Uşangi Kokauri (+100 kq) iştirak edəcəklər. Qadınların mübarizəsində isə Aydan Vəliyeva, Şəfəq Həmidova (hər ikisi 48 kq) və Səbinə Əliyeva (52 kq) güclərini sınayacaqlar. Turnirdə 46 ölkədən 400-dən çox idmançı iştirakını təsdiqləyib.