18 yaşadək futbolçulardan ibarət Azərbaycan milli komandasının qatılacağı beynəlxalq turnirdəki oyunlarının vaxtı açıqlanıb. 
"CEMPİON.AZ" xəbər verir ki, millimiz fevralın 3-dən 14-dək Belarusun paytaxtı Minskdə təşkil ediləcək yarışda qüvvəsini sınayacaq. Millimiz fevralın 6-də Qırğızıstan, 7-də Belarus, 9-da Qazaxıstan, 10-da isə Tacikistanla qarşılaşacaq. Qrup oyunlarından sonra millimiz digər qrupda müvafiq mövqedə yer alan komanda ilə üz-üzə gələcək.