DÜNYA FUTBOLU

"Mançester Yunayted"in hücumçusu Kriştiano Ronaldo boynundakı problemə görə İngiltərə futbol çempionatının 23-cü turunda "Vest Hem"ə qarşı oyunu buraxa bilər.
"CEMPİON.AZ" klubun rəsmi saytına istinadən xəbər verir ki, bu barədə baş məşqçi Ralf Ranqnik bildirib. Məlumata əsasən, Ronaldo 22-ci turun "Brentford"la matçında problem yaşadığı üçün oyunun 71-ci dəqiqəsində əvəzlənib:
"Kriştianonun boynunda problem olduğu üçün matçda iştirakı sual altındadır. Dünən o, bir neçə saat müalicə olunub, ona görə də onun bu gün özünü necə hiss etdiyini anlamaq üçün gözləməli olacağıq".
Qeyd edək ki, "Mançester Yunayted" - "Vest Hem" matçı yanvarın 22-də keçiriləcək. Bundan əvvəl Rangnik Viktor Lindelöfün matçı buraxacağını açıqlamışdı.