İFFHS-in açıqladığı klubların dünya reytinqində irəliləyişə nail olanların siyahısı müəyyənləşib.
"CEMPİON.AZ" xəbər verir ki, “Top-400”ə düşən 404 komandadan 250-si irəliləyişə imza atıb. 153 klub isə geriləyib. Yalnız bir komanda ötənilki mövqeyi dəyişməz qalıb. Moskva “Lokomotiv”i 179-cu sırada qərarlaşıb. Azərbaycan klubları “Neftçi” və “Qarabağ” irəlıləyən 250 komanda sırasındadır. 543-cü yerdən 263-cü yerə sıçrayan bakılılar 280 addım irəliləyib. Bu, “Top-400”dəki komandalar arasında 74-cü nəticədir. “Qarabağ” 147-ci sıradan 105-ciyə yüksəlib. 42 pilləlik sıçrayış dünyada 191-cidir. Ən böyük inkişafa “Marumo Qallants” nail olub. CAR təmsilçisi 1365 pillə irəliləməklə 367-ci yerə qalxıb. 
Qeyd edək ki, Braziliyanın “Yuventud” klubu ötən il ümumiyyətlə sıralamada olmasa da, hazırda 335-cidir.