DİGƏR NÖVLƏR

ABŞ komandası Pekində keçiriləcək Qış Olimpiya Oyunlarında 222 idmançı ilə təmsil olunacaq. 
"CEMPİON.AZ" xəbər verir ki, bu barədə ABŞ Milli Olimpiya və Paralimpiya Komitəsinin (USOPC) mətbuat xidməti məlumat yayıb. Amerika komandasının tərkibində olimpiya çempionu xizəkçi Mikaela Şifrin, oyunların ikiqat qalibi bobsled Kayli Hamfris, fiqurlu konkisürmə üzrə üçqat dünya çempionu Natan Çen və başqaları var. 
Xatırladaq ki, 2018-ci ildə Pxenyanda keçirilən Qış Olimpiya Oyunlarında ABŞ komandası doqquz qızıl, səkkiz gümüş və altı bürünc medal qazanaraq qeyri-rəsmi komanda hesabında dördüncü olub.
Qeyd edək ki, ABŞ prezidenti Co Bayden rəsmilərin bu yarışlarda iştirakına qadağa qoysa da, idmançıların iştirakını öz ixtiyarlarına buraxıb.