DÜNYA FUTBOLU

Pyer-Emerik Obameyanq "Arsenal"la müqaviləsini ləğv edib və bu gün "Barselona"ya keçəcək.
“CEMPİON.AZ” BBC-yə istinadən bildirir ki, "Arsenal"ın hücumçusu Pyer-Emerik Obameyanq klubu ilə müqaviləsinə xitam verib. 32 yaşlı qabonlu "Barselona"ya pulsuz keçəcək.
Obameyanq azad agent olduğu üçün Kataloniya klubu bu transferini transfer pəncərəsi bağlandıqdan sonra elan edə bilər.
“Barselona”nın transfer barədə məlumatı bu gün - fevralın 1-də elan edəcəyi gözlənilir.