BİZİM FUTBOL

"Azərbaycan Premyer Liqasında komanda sayının artırılması barədə İcraiyyə Komitəsinin iki il əvvəl qəbul etdiyi qərarın tətbiqinə bu ildən start veriləcək".
Bunu AFFA-nın icraçı vitse-prezidenti Elxan Məmmədov Növbəti Konfrans və İcraiyyə Komitəsinin iclasından sonra keçirdiyi mətbuat konfransında deyib. 
İcraçı vitse-prezidentin sözlərinə görə, şempionatda hansı komandaların çıxış edəcəyini demək çətindir: "Çünki bu, AFFA-nın Lisenziyalaşdırma Qrupunun işidir. İnanıram ki, 3-4 namizəd olacaq və onlardan minimum ikisini qəbul edəcəyik".

Elxan Məmmədov bu halda I Diviziona 2-3 komandanın qoşulmasına çalışacaqlarını dilə gətirib. O, aşağı liqanın Region Liqası hesabına formalaşacağını da söyləyib: "Region Liqasına maraq çox böyükdür. Komandaların yanaşması peşəkarlığa doğru gedir. Ona görə də I Diviziona bu liqadan da komanda dəvət edəcəyik".