BİZİM FUTBOL

Futbol üzrə Azərbaycan Kubokunda 1/4 final mərhələsinin daha iki oyunu keçirilib.

Günün ilk matçında "Zirə" "Səbail"i qəbul edib. Zirə İdman Kompleksinin stadionunda baş tutan görüş meydan sahiblərinin 4:0 hesablı qələbəsi ilə yekunlaşıb. Bununla da demək olar ki, “Zirə” cütün taleyini həll edib.

İkinci qarşılaşmada "Sumqayıt" evdə "Qəbələ" ilə üz-üzə gəlib.

"Kapital Bank Arena"dakı görüş qonaqların minimal hesablı qələbəsi ilə başa çatıb. Yeganə qolu 26-cı dəqiqədə penaltidən İsnik Alimi vurub.