BİZİM FUTBOL

Azərbaycan millisinin futbolçusu Mahir Emreli Zaqreb "Dinamo"sunun heyətində Xorvatiya I liqasında debüt edib.

Millimizin hücumçusu evdə "Şibenik"ə qarşı keçirilən oyunda start heyətində meydana çıxıb və komandasının heyətində 60 dəqiqəmübarizə aparıb .

Emreli birinci hissədə "Dinamo"da ilk qolunu vurmağa yaxın olsa da, onun qüvvətli zərbəsindən sonra top qapı tirinə tuş gəlib.

Oyun Zaqreb təmsilçisinin 3:0 hesablı qələbəsi ilə yekunlaşıb. Qolları 16-cı dəqiqədə Petar Boçkay, 59-cu dəqiqədə Bruno Petkoviç və 76-cı dəqiqədə Martin Baturina vurublar. Bu qələbədən sonra xallarını 53-ə çatdıran "Dinamo" turnir cədvəlində ilk pilləyə yüksəlib.

Qeyd edək ki, Mahir Emreli qış fasiləsində "Dinamo" ilə 4,5 illik müqavilə imzalayıb.