DÜNYA FUTBOLU

Lionel Messi son 15 ildə ilk dəfə Çempionlar Liqasının pley-off mərhələsində qol vura bilməyib.
"Paris Sen-Jermen"in argentinalı hücumçusu Lionel Messi Çempionlar Liqasının 1/8 final mərhələsində Madrid "Real"ının qapısını qol vura bilməyib və komandası avrokuboklardan kənarda qalıb. Beləliklə, Messi son 15 ildə ilk dəfə Çempionlar Liqasının pley-off mərhələsində qol vura bilməyib.
Sonuncu dəfə belə hal 2006/07 mövsümündə baş vermişdi. O zaman argentinalı futbolçu "Barselona"nın heyətində 1/8 finalda "Liverpul"a qarşı oynamışdı.