DÜNYA FUTBOLU

 
“Benfika”nın müdafiəçisi Nikolas Otamendi “CNN Portuqaliya”ya müsahibəsində Çempionlar Liqasının 1/8 final mərhələsinin cavab oyununda “Ayaks” üzərində qazanılan qələbəni (1:0) şərh edib.
"Biz daha da irəli getməliyik və böyük xəyallar qurmalıyıq. Çempionlar Liqası xüsusi turnirdir. Əla komandalar, möhtəşəm matçlar. Bu gün çox yaxşı görünürdük.
Biz bu gün bütün komanda ilə birlikdə yaxşı müdafiə olunduq. Ayaks"ı boş zonadan məhrum etməyin nə qədər vacib olduğunu bilirdik. Onların çox gözəl oyunçuları var. Qol vurduqdan sonra möhkəm müdafiə oynamaq və qalibiyyət hesabını saxlamaq daha vacib idi. Biz bunu bacardıq. Uğur qazandığımız üçün inanılmaz dərəcədə şadam”, - UEFA rəsmi saytı oyunçudan sitat gətirir.