DÜNYA FUTBOLU

 “Lokomotiv”in keçmiş prezidenti Nikolay Naumovun sözlərinə görə, Rusiya komandalarının FİFA-nın himayəsi altında keçirilən turnirlərdə iştirakına qadağa bir neçə il davam edə bilər. İdman Arbitraj Məhkəməsi (CAS) martın 18-də FİFA-nın Rusiya komandalarının və milli komandalarının təşkilatın himayəsi altında keçirilən turnirlərdə iştirakını qadağan edən qərarını qüvvədə saxlayıb.
— Əlbəttə, CAS-ın bu qərarı gözlənilən idi. İndi çoxları bunun nə qədər davam edəcəyi ilə maraqlanır. Düşünürəm ki, bizi geri qəbul etmək üçün illər lazım olacaq. Yəni, fikrimcə, söhbət bizim Avropa, dünya futbolundan qısa müddətə uzaqlaşdırılmağımızdan getmir. Bizə qarşı tətbiq edilən sanksiyalar - siyasi, iqtisadi, maliyyə, o cümlədən idman sahəsində - bunlar, məncə, uzunmüddətlidir. Ukrayna ilə bağlı vəziyyətin sona çatmasına baxmayaraq, sanksiyalar, mənə elə gəlir ki, uzun müddət aradan qaldırılmayacaq. Məhz bu nöqtədən çıxış edərək, biz indi idmana diqəti o qədər artırmalıyıq ki, daxili futbolumuzu inkişaf etdirə bilək. Oraya, Avropa futboluna qəbul olunacağımıza ümid etməməliyik. Mənə elə gəlir ki, indi klublar bahalı legionerlərdən qurtulmalıdır. Təbii ki, kimisə qovmamalıyıq, amma gedəni saxlamağa da ehtiyac yoxdur. Kim qalmaq istəsə, qalasın. Gedənlərdən qənaət olunan pulları məktəblərin inkişafına, gənclər futbolunun inkişafına sərf etmək lazımdır. Düşünürəm ki, biz düşdüyümüz bu vəziyyətdən faydalanmağa cəhd edə bilərik. Həmişə ən pisdən də faydalanmaq mümkündür və bunu Rusiya futbolu çərçivəsində də etmək olar. Mənə elə gəlir ki, klubların və RFİ rəhbərliyi bu yolla getsə, biz bu çətinliklərin öhdəsindən gələcəyik”-, deyə Naumov Match TV-yə bildirib.