DÜNYA FUTBOLU

İspaniya La Liqasında "Real Madrid" və "Barselona" komandaları arasında növbəti El-Klasiko keçirilib.

"Santyaqo Bernabeu" stadionunda keçirilən oyun qonaqların qələbəsi ilə yekunlaşıb - 4:0.

Qolları Pyer-Emerik Obameyanq (2) Ronald Arauxo və Ferran Torres vurub.

Beləliklə, "Barselona" son 7 görüşdə ilk dəfə "Real Madrid"ə qalib gələrək, La Liqadakı şəxsi qarşılaşmalarda topların nisbətində bərabərliyi təmin edib - 76:76.

Məğlubiyyətə baxmayaraq, "kral klubu" 29 oyundan sonra 66 xalla liderdir, rəqibindən bir oyun az keçirən Kataloniya təmsilçisi 54 xalla 3-cü pilləyə yüksəlib.

Qeyd edək ki, bu, iki komanda arasında ümumilikdə 249 "El Klasiko" olub. 100 oyunda "Real Madrid”, 97 oyunda "Barselona" qələbə qazanıb, 52 görüşdə qalib müəyyənləşməyib.