DİGƏR NÖVLƏR

 Azərbaycan karateçiləri Xorvatiyanın Samobor şəhərində 30-cu Qran Pri turnirini 12 medalla başa vurub. 

"Cempion.az" Azərbaycan Milli Karate Federasiyasının rəsmi saytına istinadən bildirir ki, yarışın son günü 2008, 2009 və 2010-cu il təvəllüdlü qızların -49 kq çəki dərəcəsində yarışında Veronika Qaşnikova ikinci qızıl medalını qazanıb. Ramilə Heydərova isə 14-15 yaşlı yeniyetmələrin kata çıxışlarında bürünc mükafata sahib olub.

Xatırladaq ki, V.Qaşnikova 14-15 yaşlı yeniyetmələr arasında -47 kq çəki dərəcəsinin, Hüseyn Məmmədli (-67 kq), Fərid Ağayev (-75 kq) və Dadaş Abbasov (-84 kq) isə 21 yaşadək gənclər arasında yarışın qalibi olub. Həmin yaş qrupunda Nuran Rzazadə (-67 kq) ikinci yeri, Namiq Quliyev (84+ kq), Xumar Əlibəyova (-50 kq) və Ayla Rzazadə (-61 kq), eləcə də 16-17 yaşlı gənclərin yarışında Fərid Savadov və Amin Yadigarlı (hər ikisi -55 kq) üçüncü pilləni tutub. 

Beləliklə milli komandamızın bir neçə üzvü 18-20 Mart tarixlərində Xorvatiyada bu nüfuzlu turnirin yubiley yarışında 5 qızıl, 1 gümüş və 6 bürünc medal qazanıb. Samoborda Qran Pri turnirində 33 ölkədən 1769 idmançı iştirak edib. 

Onları 16-17 və 18-21 yaşlı gənclərin baş məşçqisi Anar Allahverdiyev, gənclərin böyük məşqçiləri Seymur Xudaverdiyev və Nağı Mehdiyev, həmçinin kata üzrə baş məşqçi Vahid Ayvazov və kumite üzrə qadınların baş məşqçisi Denis Morozovun müşayiət edib. Beynəlxalq hakimlər Cahangir Babayev və Vüqar Kərimov mötəbər yarışın referiləri arasında olub.