DÜNYA FUTBOLU

 
"Milan"ın hücumçusu Zlatan İbrahimoviç gələcəyi haqda danışıb.
"Gələcəyimi hələ müəyyən etməmişəm. Planım yoxdur. Görək bundan sonra nə olacaq. Sonradan hələ də oynaya biləcəyimi deməmək üçün futbolu erkən tərk etdiyimə görə peşman olmaq istəmirəm. Bacardığım qədər oynamaq istəyirəm. Reallıq odur ki, kiminsə məndən yaxşı olduğunu görənə qədər oynayacam. Ona görə hələ də oynayıram.
Bilirəm ki, bir gün hər şey bitəcək, artıq adrenalinim olmayacaq. Bu, hər bir futbolçunun problemidir, çünki futbol oynayanda adrenalin olur. Və başqa bir şey etməklə o adrenalini heç vaxt ala bilmirsən, çünki biz proqramlaşdırılmışıq. Hər gün eyni şeyi edirik.
Oyanırıq, hazırlaşırıq, məşq edirik, yeyirik və dincəlirik. Ertəsi gün də eyni şey. Bütün bunları 20 ildir ki, edirsən və adrenalin alırsan. Beləliklə, birdən bu rejimi dayandırdıqda artıq adrenalin almağı da dayandırırsınız. Və bir gün hər şey bitdikdən sonra bunu qəbul etməlisən və sıfırdan yeni bir şeylə başlamalısan”, - deyə UEFA-nın rəsmi saytı Zlatanna istinadən xəbər verir.