ŞAHMAT

Almaniyanın paytaxtı Berlində şahmat üzrə FIDE Qran-Pri seriyasının üçüncü mərhələsinin yarışları davam edir.

Azərbaycan şahmatçısı Şəhriyar Məmmədyarov B qrupunun sonuncu - 6-cı turunda Rusiya təmsilçisi Daniil Dubovla heç-heçə edib.

Beləliklə, 3,5 xal toplayan Ş.Məmmədyarov onunla eyni xala malik olan almaniyalı Vinsent Keymerlə yarımfinal uğrunda tay-breykdə mübarizə aparmalı olacaq.

Xatırladaq ki, Şəhriyar Məmmədyarov bundan əvvəl Belqradda keçirilmiş FIDE Qran-Pri seriyasının ikinci mərhələsində D qrupunda bütün görüşlərini heç-heçə ilə başa vurub və yarımfinala yüksələ bilməyib.