DÜNYA FUTBOLU

Futbol üzrə İtaliya millisi bu il Qətərdə keçiriləcək dünya çempionatına qatıla bilər.

İtaliya millisi 2022-ci ildə Qətərdə keçiriləcək futbol üzrə dünya çempionatına gedə bilər. Bu, FİFA İranı yarışın iştirakçıları siyahısından çıxarsa, mümkün olacaq. “Sky Sport Italia”nın verdiyi məlumata görə, İranda qadınların stadionlara getməsinə icazə verilmədiyi üçün təşkilat belə qərar verə bilər.

Reqlamentə görə, FİFA dünya çempionatı iştirakçılarından birini yarışlardan kənarlaşdırarsa, həmin komandanı təsnifat mərhələsinə qatılanlar arasında dünya reytinqində ən yüksək əmsala sahib olan milli komanda əvəz etməlidir. Bu əmsala görə ən yaxşı göstərici İtaliya millisinə aiddir..

İtaliya seçməsi dünya çempionatının pley-off mərhələsinin yarımfinal oyununda Şimali Makedoniyaya 0:1 hesabı ilə uduzaraq ardıcıl ikinci dəfə mundialda iştirakdan məhrum olub.