BİZİM FUTBOL

"Neftçi"nin baş məşqçisi Samir Abasov evdə "Zirə" ilə 1:1 hesablı heç-heçə etdikləri oyundan sonra qarşılaşma haqqında fikirlərini bölüşüb:

"Bizi nəyinsə qane etdiyini desək, komandamıza haqsızlıq olar. Biz heç nə göstərə bilmədik. Bu vəziyyəti anlamağa çalışıram. Artıq ikinci ildir ki, belə hallarla rastlaşmışıq. Nəsə oynayasan ki, danışasan. Özümüz nəsə etməliyik ki, danışa bilək. Rəşad Sadıqoq məndən daha çox danışa bilər. Çünki onun komandası daha yaxşı idi. Milli komandaların oyunları ilə əlaqədar çətinliklər çəkirik. Ötən il də eyni halı yaşamışıq. Millidə çıxış edənlər bizim əsas heyət oyunçularımızdır. Bu, mən başda olmaqla, komandam üçün bəhanə deyil. Bu gün bəxtimiz gətirdi. Meydanda bir komanda var idi. O da "Zirə" idi. Tez toparlanmalıyıq".