DÜNYA FUTBOLU

"Mançester Yunayted"in sabiq futbolçusu Ueyn Runi Kriştiano Ronaldo haqda danışıb. Onun sözlərini Sky Sports yayıb.
“İndi klubun gələcəyi haqqında düşünmək lazımdır. Yaxın iki-üç il ərzində “Mançester Yunayted”i yüksəltmək üçün daha gənc, “ac” oyunçulara güvənmək lazımdır. Aydındır ki, Kristiano artıq əvvəlki illərdəki oyunçu deyil. Bəli, o, qol vurmağa qadirdir, amma indi  komandanın daha çox gənc, ac oyunçulara ehtiyac var”, - Runi bildirib.
Ronaldo 2021-ci ilin yayında “Mançester Yunayted”ə qayıdıb. Bundan əvvəl portuqaliyalı futbolçu "Yuventus" və "Real Madrid"də çıxış edib. Ronaldo bu mövsüm İngiltərə Premyer Liqasında 23 oyuna çıxıb, 9 qol vurub və 3 məhsuldar ötürmə edib. Çempionlar Liqasında futbolçu altı oyunda altı qol vurub.
2020-ci il Avropa çempionatında Ronaldo dörd oyun keçirib, beş qol vurub və bir məhsuldar ötürmə edib.
Ronaldonun "Mançester Yunayted"lə müqaviləsi 2022/2023 mövsümünün sonuna qədər, bir mövsümlük uzadılma ehtimalı ilə başa çatır.