DÜNYA FUTBOLU

 
"Atletiko"nun yarımmüdafiəçisi Rodriqo De Pol Argentina millisindəki tərəfdaşı, PSJ-nin hücumçusu Lionel Messi haqqında fikirlərini bölüşüb.
- Futbola nə qədər töhfə verdiyini nəzərə alsaq, Messinin zirvədə olmaq üçün artıq kuboklara ehtiyacı yoxdur.
Parisdəki əhval-ruhiyyəsi ilə bağlı fikir bildirə bilmərəm, çünki hər gün yanımda deyiləm, amma onun millidə etdikləri barədə danışa bilərəm. Argentina millisində xoşbəxtdir. Messi bizim liderimizdir və biz onu izləyirik. Leo bizimlə mütləq danışacaq, çünki o, artıq beşinci dünya çempionatına gedəcək. O, bizə məsləhət verəcək, dəstək verəcək, çünki indi onun təcrübəsi böyük əhəmiyyət kəsb edir. Ümid edirəm ki, Messi turnirdən həzz alacaq. İnşallah hər şey yaxşı olar. Baxaq, bu mundial onun sonuncusu olacaqmı - bu, onun verəcəyi qərardır. Messi fərqli səviyyədə olduğu üçün istədiyi qədər oynaya bilər. Onun başı hər hansı bir insandan daha sürətli işləyir. Çalışacağıq ki, onun dünya çempionatından həzz alması üçün hər şeyi edək. Əgər finala yüksəlsək, daha da yaxşı olacaq, - “Goal” De Pauldan sitat gətirir.