DÜNYA FUTBOLU

 
"Mançester Siti"nin baş məşqçisi Xosep Qvardiola Çempionlar Liqasının 1/4 final mərhələsinin ilk oyununda "Atletiko Madrid"i 1:0 hesabı ilə məğlub etdikləri oyundan sonra deyib ki, komanda Madriddə qələbə üçün oynayacaq.
"Biz inanılmaz dərəcədə yaxşı komandaya qarşı oynadıq, bu komandaya qarşı oynamaq çox çətindir, lakin sonda yaxşı nəticə əldə etdik. Həm ikinci, həm də üçüncü qolu vurmaq şanslarımız oldu. Uşaqlar yaxşı oynayırdılar, bilirdik ki, Qabriel Jezus və Fil Fodenin xüsusi enerjisi vari və Cek Qrealiş topu çox yaxşı saxlayır.
Oyunu yaxşılaşdırmaq üçün dəyişiklik etdik. Bu, bəzən işləyir, bəzən işləmir. Bu turnirdə bu qədər təcrübəsi olan komandaya qarşı oynamaq çox çətindir. Madriddə yenidən qol vurmağa və qalib gəlməyə çalışacağıq”, - UEFA-nın rəsmi saytı Xosep Qvardioladan sitat gətirir.