DÜNYA FUTBOLU

 
“Vilyarreal”ın baş məşqçisi Unai Emeri Çempionlar Liqasının 1/4 final mərhələsinin ilk oyununda “Bavariya”nı məğlub etdikləri (1:0) oyundan sonra komandasının münhenliləri üstələmək üçün üçün kifayət qədər təcrübəyə malik olmadığını bildirib.
"Komandamızın qürurunu görmək çox xoşdur. Peşəkarlıq vacibdir, amma futbol da emosiyalardır. Mən çox fəxr edirəm ki, bu gün azarkeşlərimizi sevindirə bildik.
Bir qolumuz sayılmadı, bir neçə şansı əldən verdik. Bunu təcrübə çatışmazlığının ayağına yazmaq olar. Amma bu gün gördüklərimdən çox razıyam. Gələn həftə də eyni münasibəti və eyni səviyyəli oyunu göstərməliyik”, - UEFA-nın rəsmi saytı Unai Emerinin sözlərini sitat gətirir.