DÜNYA FUTBOLU

"Barselona" La Liqanın 32-ci turunda "Levante"nin qonağı olub.

Oyun meydan sahiblərinin hücumları ilə başlayıb. "Barselona" bu hücumların qarşısını çətinliklə də olsa ala bilib. Lakin öz oyununu rəqibə diktə edə bilməyib. Birinci hissədə hesab açılmayıb. İkinci hissədə meydan sahibləri penalti vurmaq imkanı qazanıblar. Morales bu imkanı əldən verməyib. Tezlikllə, kataloniyalıların qapısına ikinci dəfə 11 metrlik zərbə təyin edilib. Bu dəfə Ter Şteqin hücumçudan üstün olub. Bundan sonra "Barselona" özünə gəlib və 4 dəqiqə ərzində iki dəfə fərqlənib. Lakin bu da "Levante"ni vəziyyətlə barışmağa məcbur edə bilməyib. 83-cü dəqiqədə "Barselona"nın qapısına üçüncü  penalti təyin olunub. Melero hesabı bərabərləşdirib. İkinci hissəyə əlavə olunmuş 2-ci dəqiqədə De Yonq kataloniyalılara qələbə qazandıran qolu vurub.
Matç Kataloniya təmsilçisinon 3:2 hesablı qələbəsi ilə başa çatıb.

"Levante" - "Barselona" - 2:3
Qollar: Morales,  52-pen (1:0), Obameyanq, 59 (1:1), Pedri, 63 (1:2), Melero, 83-pen (2:2), de Yonq, 90+2 (2:3)

Bu qələbə ilə xalını 60-a çatdıran "Barselona" turnir cədvəlinin 2-ci pilləsində qərarlaşıb. "Levante" isə 22 xalla 19-cudur. Siyahıya 72 xalla "Real" başçılıq edir.