DÜNYA FUTBOLU

 
"Vilyarreal"ın baş məşqçisi Unai Emeri Çempionlar Liqasının 1/4 final mərhələsinin "Bavariya" ilə cavab oyunu ilə bağlı gözləntilərini bölüşüb.
"Biz "Bavariya"ya hörmət və diqqətlə yanaşmalıyıq. Çox çətin matç olacaq, amma "Bavariya"ya necə reaksiya verəcəyimizi başa düşürük. Bilirik ki, onlar evdə çoxlu qol vurmağa öyrəşiblər - bu onlar üçün tamamilə təbiidir. Onlar da bizə hörmət edirlər. Amma "Bavariya" özünün ən yaxşı keyfiyyətlərini göstərə bilsə, o, favorit olacaq. Onlar evdə öz güclərini hiss edəcəklər və oyuna nikbin yanaşacaqlar", - UEFA-nın rəsmi saytı Emerinin sözlərini sitat gətirir.
Xatırladaq ki, İspaniyada keçirilən ilk oyunda "Vilyarreal" 1:0 hesabı ilə qalib gəlib.