DÜNYA FUTBOLU

 
"Çelsi"nin baş məşqçisi Tomas Tuxel Çempionlar Liqasının 1/4 final mərhələsinin cavab oyununda "Real Madrid"i məğlub edərək (3:2) turnirdən kənarda qalmasından sonra komandanın bəxti gətirmədiyini bildirib.
"Nəticədən məyus olduq, həm də özümüzlə fəxr edirik, çünki əla oyun keçirdik. Məncə, buna layiq idik. Daha çox qol vura bilərdik. Bəxtimiz gətirmədi və buna görə də hamımız çox üzüldük. Biz rəqib futbolçuların fərdi ustalıqlarına uduzduq.
Rəqib “Stamford Bridc”də çox şans yaratmadı, lakin hər yarım şansdan yararlandı. Bu, onların ümumi hesabda qalib gəlməsi üçün kifayət etdi. Daha böyük nəticələr əldə etmək üçün səhvlərin sayını azaltmaq lazımdır. Biz onların sayını minimuma endirə bilmədik”, - UEFA-nın rəsmi saytı məşqçidən sitat gətirir.