DÜNYA FUTBOLU

İspaniya La Liqasınnın 32-ci turunda "Real Madrid" səfərdə "Sevilya"nı məğlub edib- 3:2.

Oyunun birinci hissəsi meydan sahiblərinin 2:0-lıq üstünlüyü ilə başa çatıb. İlk iki qolu İvan Rakitiç 21-ci və Erik Lamela 25-ci dəqiqədə vurub.

"Kral klubu" ikinci hissədə geridönüş etməyi bacarıb. Fasilədən sonra meydana çıxan Rodriqo 50-ci dəqiqədə fərqi azaldıb. 83-cü dəqiqədə Naço Fernandes bərabərlik, 90+2-ci dəqiqədə isə Kərim Benzema qələbə topuna imza atıb.

Bununla da xalını 75-ə çatdıran "Real Madrid" liderliyini möhkəmlədib. "Sevilya" isə "Barselona" ilə birgə 60 xalla 2-3-cü yerləri bölüşür. Lakin Kataloniya komandasının ehtiyatda 2 oyunu var.