BİZİM FUTBOL

Bu gün futbol üzrə Azərbaycan Premyer Liqasında XXIV turunun oyunları keçirilib.

"Qarabağ" Qəbələdə eyniadlı komandanın qonağı olub. Görüş "köhlən atlar"ın 2:0 hesablı qələbəsi ilə başa çatıb.

Bu qələbədən sonra xallarını 58-ə çatdıran "Qarabağ" liderliyini möhkəmlədib və çempionluq üçün daha bir xala ehtiyacı var.

Sabah" klubu "Şamaxı"nı qəbul edib. Masazırdakı "Bank Respublika Arena"da baş tutan qarşılaşma meydan sahiblərinin 5:1 hesablı qələbəsi ilə yekunlaşıb. Bu qələbə ilə xallarını 35-ə çatdıran "Sabah" turnir cədvəlində "Qəbələ"ni qabaqlayaraq, 4-cü pilləyə yüksəlib. 20 xalı olan "Şamaxı" isə 6-cı sırada qalıb.

Turun son iki oyununda "Neftçi" səfərdə "Səbail"lə, "Zirə" isə "Sumqayıt"la qarşılaşıb. Hər iki görüş qonaqların 1:0 hesablı qələbəsi ilə başa çatıb. Bu nəticədən sonra xallarını 47-yə çatdıran “Neftçi” sona 4 tur qalmış avrokuboklara vəsiqəni təmin edib.