DÜNYA FUTBOLU

“Vilyarreal”ın yarımmüdafiəçisi Frensis Koklen Çempionlar Liqasının yarımfinalında “Liverpul”la qarşılaşma ilə bağlı gözləntilərini bölüşüb:
"İndi "Liverpul" pressinq baxımından yəqin ki, dünyanın ən yaxşı komandasıdır. Mən bu rəqibdə heç bir zəif nöqtə görmürəm. "Liverpul" çox yaxşı hücum edir, üstəlik Joel Matip və İbrahima Konate müdafiədə yer uğrunda rəqabət aparır. Ümumiyyətlə, mersisaydlıların müdafiəçiləri hücumçu kimidir. “Liverpul”da qızıl topa iki iddiaçı var: Salah və Mane. Qışda Luis Diazla müqavilə imzalayıblar. Bu futbolçu elə oyun sərgiləyir ki, sanki uzun illərdir komanda ilə birlikdədədir. Lakin biz hələ də Çempionlar Liqasının finalına çıxmaq arzusundayıq. Çətin olacağını bilirik, lakin bütün komanda və bütün şəhər bu qarşılaşmanı səbirsizliklə gözləyir. Çətin olacaq, amma öz qabiliyyətlərimizə güvənirik. Artıq "Bavariya" və "Yuventus"u sıradan çıxarmışıq. Liverpula sırf "Enfild"ə baxmaq üçün getmirik. Biz ən yaxşılarla rəqabət aparmağa hazırıq",- deyə “The Guardian” Koklendən sitat gətirir.