DÜNYA FUTBOLU

Çempionlar liqasında yarımfinalın cavab oyunlarına start verilib. “Vilyarreal” Liverpulu qəbul edib. Bu komandaların ilk oyununda ingilislər 2:0 hesabı ilə qalib gəlmişdilər. Əksəriyyət “Liverpul”un asanlıqla finala vəsiqə qazanacağını proqnozlaşdırırdı. Lakin cavab görüşünün 3-cü və 41-ci dəqiqələrində “Vilyarreal”ın vurduğu 2 qol mübarizənin gedişini gərginləşdirdi. Üstəlik, “Liverpul” birinci hissədə heç cür öz oyununu tapa bilmirdi. Lakin ikinci hissədə ingilislər özlərinə gəldilər. Artıq topa “Liverpul” nəzarət edirdi.  Bunun nəticəsində Kloppun komandası ikinci hissədə 3 top vuraraq sensasiyaya imkan vermədi.
Beləliklə, “Liverpul” Çempionlar Liqasının ilk finalçısı oldu. Onun rəqibi bu gün saat 23:00-da start götürəcək “Real” – “Mançester Siti” oyunundan sonra bəlli olacaq.