DÜNYA FUTBOLU

PSJ-nin baş məşqçisi Maurisio Poçettino hücumçu Kilian Mbappenin Paris klubundakı gələcəyi ilə bağlı sualı cavablandırıb.
- Mənim onun qərarından xəbərim yoxdur. Bu haqda danışa bilmərəm. Bu, Mbappe ilə PSJ arasında şəxsi məsələdir. Son zamanlar çoxlu şayiələr yayılıb. Kilianın və klubun mövqeyinə hörmətlə yanaşıram. Məlumatım olsa belə, səlahiyyətimə aid olmayan açıqlama verməməliyəm. Mən PSJ-nin baş məşqçisiyəm və Mbappenin daha bir neçə il bizdə qalmasını istəyirəm. Amma məndə bu barədə məlumat yoxdur, nə olacağını bilmirəm, - “RMC Sport” Poçettinodan sitat gətirir.