BİZİM FUTBOL

"Qarabağ" Avropanı fəth etməkdə davam edir.  UEFA Çempinlar Liqasının 3-cü təsnifat mərhələsində Ağdam klubu Macarıstanda “Ferentcvaroş”u 3:1 hesabı ilə məğlub edərək pley-of mərhələsinə vəsiqə qazanıb. Bu qələbə həm də Avropa Liqasının qrup mərhələsinə vəsiqəni təmin edib.

Oyun “Qarabağ”ın hücumları ilə başlayıb. Elə ilk dəqiqədə “Köhlən atlar” 100 faizli qol vəziyyətini əldən veriblər. 7-ci dəqiqədə isə artıq hesab komandamızın qeyrinə dəyişib. Zubir topu qapıçıdan yaxın küncə göndərib. Bundan sonar da oyun üstünlüyü komandamızın tərəfində olub. Bir neçə dəfə əlverişli vəziyyət əldən verilsə də, meydan sahiblərinin kəsrli hücumlarının qarşısı məharətlə alınıb. Bu oyunda Şahruddin Məhəmmədəliyevin keçilməz olduğunu xususi qeyd etməliyik.

İkinci hissə də “Qarabağ”ın diktəsi ilə keçib. 54-cü dəqiqədə Vacinin vurduğu qol “Ferentsvaroş”u risk etməyə məcbur edib. “Qarabağ” meydançanın mərkəzini düşünülmüş halda rəqibə verib əks-hücumlarda müvəffəqiyəti möhkəmlətmək taktikasını seçib. Belə əks-hücumların birində - 78-ci dəqiqədə Vaci özünün ikinci, komandasının isə 3-cü qolunu vurmaqla demək olar ki, cütün taleyini həll edib.  

Rəqib təslim olmaq istəməsə də gücü yalnız təsəlli qolu varmağa çatdı.