BİZİM FUTBOL

Futbol üzrə Azərbaycan Premyer Liqasında III turunun ikinci oyun günündə “Sabah” "Neftçi"ni qəbul edib. Hər iki komanda ilk iki turu 100 faizli nəticə ilə başa vurmuşdu. “Sabah” qələbə seriyasını bu oyunda davam etdirib. Meydan sahiblərinin 2:1 hesabı ilə qələbə qazanıb.
37-ci dəqiqədə “Sabah” 11 metrlik cərimə zərbəsindən yararlana bilməyib. Kristian Sebalyosun vurduğu topu "ağ-qaralar"ın qapıçısı İvan Brkiç çıxarıb. Hesabı ilk hissənin əsas vaxtına əlavə olunmuş 2-ci dəqiqədə qonaqların yarımmüdafiəçisi Yusuf Laval açıb. 78-ci dəqiqədə "Sabah"dan Aleksey İsayev penaltidən tarazlığı bərpa edib. Əsas vaxta əlavə olunmuş 1-ci dəqiqədə isə Emanuel Apeh penaltini dəqiq yerinə yetirməklə, komandasına qələbə qazandırıb. Bu, "Sabah"ın evdə "Neftçi" üzərində ilk qələbəsi olub.
Bu qələbədən sonra xallarını 9-a çatdıran "Sabah" liderliyini möhkəmlədib. "Neftçi" isə 6 xalla 2-ci pillədə qərarlaşıb.