BİZİM FUTBOL

Peşəkar Futbol Liqasında (PFL) kadr islahatları davam edir.

Jurnalist Sənan Abdullayev qurumun media və marketinq direktoru təyin olunub.

S.Abdullayev 2005-ci ildə “Futbol+” qəzetində jurnalist kimi fəaliyyətə başlayıb. 2007-ci ildən "Xəzər TV"də müxbir, aparıcı, idman redaktoru vəzifələrində çalışıb. 2015-ci ilin "Ən yaxşı idman jurnalisti" adına layiq görülmüş Abdullayev 2020-ci il iyulun 22-də Prezident İlham Əliyevin Azərbaycan Milli Mətbuatının 145 illiyi münasibətilə KİV nümayəndələrinin mükafatlandırılması barədə sərəncamları çərçivəsində "Tərəqqi" medalı ilə təltif olunub.

Qeyd edək ki, buna qədər PFL-də Aslan Şahgəldiyev vitse-prezident, Elgiz Abbasov texniki-idman direktoru, Zaur Hacı-Məhərrəmov isə icraçı-direktor təyin olunub.