DÜNYA FUTBOLU

 
"Barselona"nın idman direktoru Jordi Kroyff Kataloniya klubunun transfer bazarındakı işi ilə bağlı fikirlərini bölüşüb.
- "Barselona" ilə müqavilə imzaladıqları zaman  futbolçuların gözlərindəki qürur hissini, kaş ki, görə biləydiniz. Həmin futbolçuların fədakarlığı sayəsində daha böyük büdcəsi və daha yüksək maaşı olan klublarla rəqabət apara bilmək şansı qazanmışıq. Bu çox gözəldir. Biz bu oyunçulara çox minnətdarıq, çünki inanın ki, onların əlində ən yaxşı təkliflər var idi. Bu təklifləri kənara qoyub arzularının ardınca getməyə və tarix yazmağa qərar verdilər. Bu futbolçuların gözlərinin necə parıldadığını görəndə anlayırsan ki, sən xüsusi yerdəsən, - “Goal” Kroyffdan sitat gətirir.