BİZİM FUTBOL

"Qarabağ"ın baş məşqçisi Qurban Qurbanov səfərdə "Kəpəz"lə 1:1 hesablı heç-heçə etdikləri matçından sonra mətbuat konfransında oyun barədə fikirlərini bildirib deyib: "Gəncədəki oyunlar həmişə gərgin şəraitdə keçib. “Kəpəz” bir xala layiq idi. Onları təbrik edirəm. Tərlan Əhmədova uğurlar arzulayıram. Təəssüflər olsun ki, oyunumuzu yaxşılaşdıra bilmirik. Görüşün sürətini, dinamikasını normallaşdırmaq üçün şərait də yaxşı olmalıdır. Qış fasiləsindən sonra ilk matçımızı saat 14:00-da süni örtüklü stadionda keçirmişik. Ondan sonra saat 16:00-da, bu gün isə yenidən 14:00-da oynadıq. Belə şəraitdə futbolçulardan tam istədiyimiz performansı gözləyə bilmərəm".