DÜNYA FUTBOLU

 
"Barselona"nın baş məşqçisi Xavi PSJ-nin hücumçusu Lionel Messini Kataloniya klubuna qayıtmağa razı salmağa çalışır.
Bu barədə “Sport.es” xəbər verir. Mənbənin sözlərinə görə, tərəflər mütəmadi olaraq klublarındakı vəziyyətlə bağlı təəssüratlarını bir-biri ilə bölüşürlər. Bu yazışmalarda Messi “Barselona”ya istinad edərkən birinci şəxsin cəm formasından (biz) istifadə edir. Xavi 35 yaşlı futbolçunu əmin edir ki, Barsa artıq bir ailədir. Məşqçi qeyd edir ki, soyunub-geyinmə otağındakı ab-hava argentinalının klubdan ayrıldığı vaxtdan fərqlidir.
Gələn xəbərlərə görə, “Barselona”nın prezidenti Joan Laporta artıq Messinin transferini maliyyələşdirmək üçün kənar sponsorlar axtarır. Messinin PSJ ilə hazırkı müqaviləsi 2023-cü ilin yayına qədərdir.